काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

विवादास्पद सैनिक फिर्ती आदेशमा हस्ताक्षर

10.71K
shares

सिरियाबाट अमेरिकी फौज फिर्ता गर्ने आदेशमा हस्ताक्षर भइसकेको अमेरिकी सैनिक अधिकारीहरुले बताएका छन् । अमेरिकी राष्ट्रपति डोनाल्ड ट्रम्प र टर्कीका राष्ट्रपति रिसेप तयिप एर्डोगानबीच सैनिक रिक्तता हुन नदिने सहमति भएसँगै उक्त आदेशमा हस्ताक्षर भएको हो ।

गृहयुद्धबाट तहसनहस भएको सिरियाबाट एकाएक अमेरिकी फौज फिर्ता लैजाने अमेरिकी राष्ट्रपतिको घोषणाले विश्वभर अमेरिकी साझेदार मुलुकहरु र अमेरिकी राजनीतिक नेताहरुलाई नै अचम्भित बनाएको थियो ।

सिरियामा सङ्घर्षरत इस्लामिक स्टेट (आइएस) का लडाकू विरुद्धको कारबाहीमा बहुराष्ट्रिय सेनासँगै करिब २ हजार अमेरिकी सेना सिरियामा तैनाथ छ । अमेरिकी सैनिक फिर्तीको आदेशको विस्तृत विवरण भने दिइएको छैन ।

टर्कीले सिरियाबाट अमेरिकी फौज फिर्ता हुने विषयलाई स्वागत गरेको छ । यहाँ विचारणीय पक्ष के छ भने आइएस विरुद्ध अमेरिकी सेनालाई सघाएका कुर्दिस लडाकूमाथि कारबाही गर्न टर्कीलाई छुट प्राप्त हुनेछ । कुर्दिस लडाकूलाई अमेरिकीले मित्रशक्ति माने पनि टर्कीले आतङ्ककारीको रुपमा लिने गर्दछ ।

टर्कीको राष्ट्रपतिको कार्यालयले सार्वजनिक गरेको वक्तव्यमा दुबै राष्ट्रपतिबीच भएको टेलिफोन वार्तामा पनि दुबै मुलुकले सैनिक, कुटनीतिक तथा शक्तिको रिक्ततालाई हटाउन समन्वयात्यक रुपमा कार्य गर्न सहमति भएको उल्लेख छ ।

उक्त वक्तव्य आउनुअघि अमेरिकी राष्ट्रपति ट्रम्पले समेत ट्वीट गरी दुबै देशले आगामी दिनमा गर्नुपर्ने सहकार्यका बारेमा रचनात्मक छलफल भएको बताएका थिए । कुर्दिस मामिला सम्बन्धी विश्लेषक मुट्लु सिभिरोग्लुले यो सम्झौतापछि कुर्दिसमाथि हमला गर्न टर्कीलाई बाटो खुलेको बताउँदै फेरि रक्तपातपूर्ण युद्ध शुरु हुनसक्ने औंल्याए ।

फ्रान्सेली राष्ट्रपति इमानुएल माँक्रोले ट्रम्पको निर्णयबाट आफू दुःखी भएको बताएका छन् ।
रासस/एएफपी