सिटिजन्स बैंकको प्रादेशिक कार्यालय विराटनगरमा
वि.सं.२०७५ पुस १३ शुक्रवार २२:३६
shares

सिटिजन्स बैंक इन्टरनेसनलले प्रदेश १ को प्रादेशिक कार्यालय विराटनगरमा स्थापना गरेको छ । संघीय संरचनाअनुसार आफ्नो उपस्थित बलियो बनाउने प्रदेश कार्यालय स्थापना गरेको बैंकले जनाएको छ ।
कार्यालय उद्घाटन कार्यक्रममा जिल्लाका उच्च पदस्थ सरकारी कर्मचारी, उद्योगी, व्यापारी, विभिन्न संघ संस्थाका प्रमुख तथा नागरिक समाजका अगुवाहरुको उपस्थिति थियो ।
प्रदेश १ अन्तर्गत बैंकका ११ शाखाबाट व्यापार विस्तारका साथै शाखाहरुसँगको समन्वय, निगरानी, संस्थागत सुशासन, जोखिम व्यवस्थापन एवं गुनासो सुनुवाइ जस्ता कार्यहरू प्रादेशिक कार्यालयले छिटो, छरितो, चुस्त र दुरुस्त रूपमा सम्पादन गर्ने विश्वास बैंकले लिएको जारी विज्ञप्तिमा उल्लेख छ ।
बैंकले ८० शाखा, ७५ एटिएम र ९९ शाखारहित बैंकिङ एकाईबाट करिब चार लाख ग्राहकलाई आधुनिक बैंकिङ सेवा प्रदान गर्दै आएको छ ।

























