नेपालगन्जमा गरिमा विकास बैंकको शाखा
वि.सं.२०७५ पुस १३ शुक्रवार २२:३५
shares

गरिमा विकास बैंकले बाँकेको नेपालगन्जमा नयाँ शाखा कार्यालय सञ्चालनमा ल्याएको छ । नयाँ शाखा कार्यालयको नेपालगन्ज उपमहानगरपालिका प्रमुख डा. धवलशमशेर जबराले उद्घाटन गरे ।
काठमाडौंको लाजिम्पाटमा केन्द्रीय कार्यालय रहेको बैंकका उपत्यकाभित्र आठवटा शाखासहित देशभर ६६ शाखा र १५ वटा एटीएम सञ्चालनमा छन् । गरिमा विकास बैंकले २५ अर्ब ८५ करोड निक्षेप संकलन गरी २२ अर्ब ३० करोड कर्जा लगानी गरेको जनाएको छ ।
बैंकले छिट्टै पर्साको वीरगन्ज, चितवनको टाँडी र मिलनचोक, दाङको तुल्सीपुर, बाँकेको कोहलपुर, कञ्चनपुरको महेन्द्रनगर, कास्कीको हेम्जा, नुवाकोटको बट्टार र लमजुङको बेँसीसहरमा शाखा कार्यालय खोल्ने भएको छ ।

























