वामपन्थी शक्तिबीच एकता अपरिहार्य छः संयोजक दाहाल
वि.सं.२०८३ मंसिर ५ शनिवार १९:४९
shares

काठमाडौँ। नेपाली कम्युनिष्ट पार्टी (नेकपा)का संयोजक पुष्पकमल दाहाल ‘प्रचण्ड’ले मुलुकलाई अग्रगामी दिशामा लैजान वामपन्थी शक्तिबीच एकता आवश्यक रहेको बताएको छन् ।
नेकपाको काठमाडौँ जिल्ला समितिको एकता बैठक तथा राष्ट्रिय जागरण अभियानको आज उद्घाटन गर्दै उनले कम्युनिष्ट शक्तिहरु एकताबद्ध हुनुको विकल्प नरहेकामा जोड दिए ।
विगतदेखि नै आफू वामपन्थी शक्तिलाई एकताबद्ध बनाउने प्रयासमा लागिरहेको बताउँदै संयोजक दाहालले यसअघिका त्रुटि सच्याएर अघि बढ्न सबैले प्रण गर्नुपर्ने उल्लेख गरे । “हिजोको असफलताबाट पाठ सिकेर फेरि एकपटक कम्युनिष्ट एकताको झण्डा उठाउनुपर्छ”, उनले भने ।

























