नेपाली कांग्रेसले सार्वजनिक गरेको चुनावी घोषणापत्रविरुद्ध नेकपा एमालेका अध्यक्ष केपी शर्मा ओलीले गरेको टिप्पणीबारे कांग्रेसले जवाफ दिने भएको छ । बैशाख ११ मा सार्वजनिक कांग्रेसको घोषणापत्रलाई मंगलबार एमाले अध्यक्ष ओलीले ‘पागलहरुको प्रलाप’ भनेका थिए ।

ओलीको अभिव्यक्तिबारे कांग्रेस महामन्त्री एवम् निर्वाचन घोषणापत्रका संयोजक गगनकुमार थापाले दिउँसो १ बजे बत्तिसपुतलीमा आयोजित निर्वाचन अभियान सम्बन्धी कार्यक्रममार्फत् जवाफ दिने भएका हुन् ।

अनुपम फुडल्याण्डमा ‘स्थानीय तह निर्वाचन अभियान र सम्पर्क समितिहरूको भूमिका’ विषयमा कार्यक्रम आयोजना गरिएको छ । यही कार्यक्रममार्फत् थापाले ओलीको अभिव्यक्तिको जवाफ दिने नेपाली कांग्रेसले जनाएको छ ।

प्रवक्ता डा. प्रकाशशरण महतले मंगलबार नै ओलीको टिप्पणीमाथि काउन्टर दिएका थिए । महतले ओलीको टिप्पणीमाथि खेद प्रकट गर्दै आचारसंहिता उल्लंघनमा निर्वाचन आयोगको ध्यानाकर्षण गराएका थिए ।

प्रकाशित समय : १६:५९ बजे