काठमाडौं । आगामी १९(२१ जनवरीमा युरोपियन युनियनको प्राविधिक टोलीको बैठकमा नेपाललाई आमन्त्रण गरिएको छ । नेपालको उड्डयन क्षेत्रको प्रगति र अहिलेको अवस्थाबारे ईयूलाई जानकारी गराउन एक टोली बेल्जियमको ब्रसेल्स जाने तयारीमा छ ।

मंसिरमा बसेको ईयूको बैठकले नेपाललाई कालोसूचीमै राख्ने निर्णय गरेको थियो । बैठकले नेपाललाई आफ्नो उड्डयन क्षेत्रमा भएका प्रगति पेश गर्न लगाउने निर्णय गरेको थियो । सोहीअनुसार अहिले प्राविधिक टोलीको बैठकमा सहभागी गराउन लागिएको हो । प्राधिकरणका हवाई सुरक्षा विभाग प्रमुख राजन पोखरेलका अनुसार महानिर्देशक सञ्जीव गौतमसहितको एक टोली ब्रसेल्स बैठकमा भाग लिन जाने र आफ्नो अवस्थाबारे ब्रसेल्समा जानकारी गराउने छौं,’ पोखरेलले भने, ‘अघिल्लो बैठकमा हामीलाई बोलाएको थिएन, अबको बैठकमा हामीले दिएको रिपोर्ट पेश गरिनेछ ।’

प्रकाशित समय : ०६:५४ बजे