बेलायतमा सिकिस्त दुई बिरामीमा स्नायुप्रणालीमा असर गर्ने रसायन भेटिएको छ, जो पूर्व रुसी जासुस सर्जेइ स्क्रिपल र उनकी छोरीको हत्या प्रयासमा प्रयोग भएको थियो ।

बेलायतका प्रहरी प्रवक्ता नील बसुका अनुसार रासायनिक हतियार विशेषज्ञले नर्भ एजेन्ट नोविचोक प्रयोगकाृ पुष्टि गरेका छन् । चार्ली रोली र डन स्ट्रगस नामका व्यक्ति विल्टशरस्थित आफ्नो घरमा बेहोस अवस्थामा भेटिएका थिए र गत शनिबार उनीहरुलाई भनाइ गराइएको थियो ।

यस खालको लक्षण अहिलेसम्म अन्य कुनै पनि व्यक्तिमा देखिएको छैन । यस घटनामा कोहीमाथि शंका गर्ने ठाउँ पनि नमिलेको प्रहरीले जनाएको छ । किनकि, पीडितलाई जानाजान निशाना बनाउनुपर्ने खालको कुनै कारण नदेखिएको प्रवक्ता बसुलाई उदृत गर्दैै बीबीसीले उल्लेख गरेको छ ।

प्रकाशित समय : १३:२४ बजे