काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

जनकपुरमा अन्तर्राष्ट्रिय मैथिली सम्मेलन

14.93K
shares

जनकपुरमा अन्तर्राष्ट्रिय मैथिली सम्मेलन हुने भएको छ । प्रदेश सरकारले प्रदेशको भाषा, संस्कृति र पहिचानसहितको नाम र कामकाजी भाषाबारे निर्णय गर्न लागिरहेका बेला जनकपुरमा पुस ७ र ८ गते अन्तर्राष्ट्रिय सम्मेलन गर्न लागिएको हो ।

सम्मेलनको मैथिली भाषाका जानकार एवं प्राज्ञ रामभरोस कापडी भ्रमरले संयोजन गरेका छन् । नेपालमा नेपाली भाषापछि सबैभन्दा बढी मैथिली बोलिन्छ । मैथिली मातृभाषीको प्रतिष्ठा र उचित सम्मानका सम्मेलनको आयोजना गरिएको प्राज्ञ भ्रमरले जानकारी दिए । १६औं अन्तर्राष्ट्रिय सम्मेलनका अवसरमा नेपालमा चौथोपटक मैथिली सम्मेलनको आयोजना गरिँदै छ ।

खासगरी, प्रदेश २ मा बोलिने सम्पूर्ण मातृभाषाका साहित्य, कला र सांस्कृतिक विशेषतामाथि गहन छलफल र विमर्श गर्न सम्मेलन फलदायी हुने अपेक्षा गरिएको छ । सम्मेलनमा नेपाल र भारतका डेढ सयभन्दा बढी विशिष्ट व्यक्तिलाई आमन्त्रण गरिएको छ । सम्मेलनमा मैथली भाषाको उजागर, पहिचान र संरक्षण गर्न योगदान गर्ने व्यक्तिलाई मिथिला रत्न र मिथिला श्री सम्मानसमेत प्रदान गरिने कार्यक्रम संयोजक भ्रमरले जानकारी दिए ।

सम्मेलनका अवसरमा प्रभात फेरि, विचार गोष्ठी, कवि गोष्ठी र सांस्कृतिक कार्यक्रमसमेत आयोजना गरी जनकपुर घोषणापत्र जारी गर्ने आयोजकले जनाएको छ । सम्मेलनको तयारी अन्तिम चरणमा पुगेको जनाइएको छ ।