काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सन् २०१८ मा ५३ जना पत्रकार मारिए

21.69K
shares

एक रिपोर्टका अनुसार अघिल्लो वर्षको तुलनामा सन् २०१८ मा मारिने पत्रकारको संख्या वृद्धी भएको छ । अभिव्यक्ति स्वतन्त्रताको पक्षमा अझ बढी खुलापनको अपेक्षा गरिरहेको विश्व जगतले पत्रकार हत्याको संख्या बढीरहेको दुःखद नियती भोग्नु परेको छ ।

कमेटी टु प्रोटेक्ट जर्नलिस्ट (सिपिजे) ले बुधबार प्रकाशित गरेको रिपोर्टलाई आधार मान्दा पत्रकारहरू उनीहरूले गरेको कामकै प्रतिशोधका आधारमा मारिनेहरूको संख्यामा वृद्धि भएको छ । र, यो संख्या ‘झण्डै दोब्बर’ भएको सिपिजेले जनाएको छ ।

साउदी पत्रकार जमाल खासोज्गी हत्याको प्रसंग रेखांकन गर्दै सिपिजेले आफ्नो रिपोर्टमा भनेको छ, ‘२०१८ मा पत्रकारिताको प्रतिशोधको लागि पत्रकारलाई निशाना बनाएर हत्या गर्ने कार्य पछिल्लो वर्षको तुलनामा दोब्बर भएको छ ।’

journalist_murder2

रिपोर्ट अनुसार यस वर्ष जनवरी १ देखि डिसेम्बर १५ सम्म ५३ जना पत्रकारको हत्या भएको थियो । सन् २०१७ मा यो संख्या ४७ थियो भने, २०१६ मा ५० जना पत्रकारको हत्या भएको थियो । सन्, २०१८ मा मारिएका ५३ जना पत्रकारमध्ये कम्तिमा ३४ जनाको प्रत्यक्ष रूपले हत्या गरिएको, जबकी सन् २०१७ मा यस्तो संख्या १८ रहेको सिपिजेको रिपोर्टमा उल्लेख छ ।

सिपिजेको रिपोर्टमा अफगानिस्तान पत्रकारका लागि सबैभन्दा बढी खतरनाक देश रहेको उल्लेख छ । उसले पत्रकारहरूको संख्या बढ्नुमा पनि केही हदसम्म उसको जिम्मेवारी भएको बताएको छ ।

पत्रकारका लागि भारत पनि खतरनाक

रिपोर्टर्स विदाउट बोर्डरको रिपोर्ट अनुसार भारत तथा अमेरिका जस्ता राष्ट्र पनि पत्रकारका लागि सुरक्षित छैनन् । भारत त पत्रकारका लागि सबैभन्दा असुरक्षित पाँचौं राष्ट्र भएको रिपोर्टमा उल्लेख छ ।

सन् २०१८ मा भारतमा ६ जना पत्रकारको हत्या भएको थियो । जबकी अमेरिकमा पनि सोही अवधीमा समान ६ जना पत्रकारको हत्या भएको उक्त रिपोर्टमा उल्लेख छ ।

दक्षीण एसियाली राष्ट्रमा यो अवधीमा १३ जना पत्रकारको हत्या भएको रिपोर्टमा उल्लेख छ ।