काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

बाटुलेचौरमा गन्धर्व संग्रहालय भवनको मन्त्री अधिकारीद्वारा उद्घाटन

13.82K
shares

संस्कृति, पर्यटन तथा नागरिक उड्ययनमन्त्री रविन्द्र अधिकारीले गन्धर्व संस्कृति र कलाको विकास गर्न एकेडेमी स्थापना गर्नुपर्नेमा जोड दिएका छन् ।

पोखरा–१६, बाटुलेचौरमा नवनिर्मित गन्धर्व संग्रहालयको उद्घाटन गर्दै मन्त्री अधिकारीले पोखरालाई चिनाउन गन्धर्व समुदायको महत्वपूर्ण भूमिका रहेको बताए । उनले गन्धर्वहरू नेपाली कला र संस्कृतिको धरोहर भएको उल्लेख गरे ।

मन्त्री अधिकारीले यस क्षेत्रको विकासका लागि आफू प्रतिबद्ध रहेको बताउँदै महेन्द्र गुफा र चमेरे गुफाको वृहत्तर विकासका लागि पनि आफू तयार रहेको उल्लेख गरे ।

गण्डकी प्रदेशका सांसद कृष्ण थापाले पोखरा पर्यटकीय रुपमा मात्र नभई कला र संस्कृतिमा पनि धनी रहेको बताए ।

२०७१ सालमा निर्माण सुरु गरिएको संग्राहालयभवन १७ लाख रुपैयाँको लागतमा गत असार मसान्तमा निर्माण सम्पन्न भएको कोषाध्यक्ष विनोद गायकले जानकारी दिए । संग्रहालय निर्माणसँगै पर्यटन विकासमा थप टेवा पुग्ने अपेक्षा स्थानीयले गरेका छन् ।

संग्रहालयमा गन्धर्वहरुका कला, संस्कृति झल्कने किसिमका सारङ्गी, मादल, अरबाजा लगायतका पुराना बाजाहरु र गन्धर्वसँग सम्बन्धित पुस्तकहरु राखिएका छन् ।