रामेछाप नगरपालिकास्थित देउरालीमा ट्याक्टर दुर्घटना, सह-चालकको मृत्यु
वि.सं.२०७५ पुस ११ बुधवार १८:५५
shares

रामेछाप जिल्लाको रामेछाप नगरपालिका-२ स्थित देउरालीमा मंगलबार ट्याक्टर दुर्घटना हुँदा एक जनाको मृत्यु भएको छ । मन्थलीबाट देउरालीतर्फ बालुवा लिएर जाँदै गरेको ना ४ च १६३ नम्बरको टयाक्टर देउरालीमा दुर्घटना भएको हो ।
रामेछाप नगरपालीका-२ का वडा अध्यक्ष नीर बहादुर श्रेष्ठका अनुसार दुर्घटनामा परी सह चालक रामेछाप नगरपालिका-३ का सविन महतको घटनास्थलमै मृत्यु भएको छ । राति लगभग १०-११ बजेको समयमा ट्याक्टर दुर्घटना भएको हो । चालक भने फरार रहेको श्रेष्ठले बताए ।
घटनाका सम्बन्धमा प्रहरीले अनुसन्धान गरिरहेको छ ।

























