काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

कास्कीमा वृद्धको हत्याको अभियोगमा बाबुछोरा पक्राउ

13.04K
shares

बाबुछोरा मिलेर कास्कीमा एक वृद्धको हत्या गरेको अभियोगमा प्रहरीले दुईजनालाई पक्राउ गरेको छ । पर्वत मोदी गाउँपालिका–२, देउपुर स्थायी घर भएका ७३ वर्षीय दिलबहादुर सार्कीको हत्याको आरोपमा कास्कीको अन्नपूर्ण गाउँपालिका–१०, क्लिउका बाबुछोरासहित एकै घरका तीन जनालाई कास्की प्रहरीले पक्राउ गरेको हो ।

पक्राउ पर्नेहरुमा क्लिउका ३१ वर्षीय बुद्धिमान सार्की, उनका ६० वर्षीय बुबा निमबहादुर सार्की र ७२ वर्षीय माइलो बुवा लालसिंह सार्की छन् । मादक पदार्थ सेवन गरेका कारण आफ्नै साथीहरुबाट वृद्धको हत्या भएको हुन सक्ने जिल्ला प्रहरी कार्यालय कास्कीका प्रहरी प्रमुख एसपी ओमबहादुर रानाले बताए । पुस १४ गते अन्नपूर्ण गाउँपालिका–१०, खुम्बु्रखु स्थित मोदी खोलामा दिलबहादुरको शव शंकास्पद रुपमा भेटिएपछि प्रहरीले अनुसन्धानका क्रममा घटनामा संलग्न तीन जनालाई पक्राउ गर्न सफल भएको एसपी रानाले जनाए ।

पुस ८ गते मृतक दिलबहादुर लगायत चारै जना बसेर मदिरा सेवन गरेको र मृतकले अपशब्द प्रयोग गरेपछि तीनजनाले संयुक्त रुपमा कुटपिट गरी उनको हत्या गरेको अनुसन्धानबाट खुलेको एसपी रानाले बताए । पुस ८ गते साँझ संयुक्त रुपमा कुटपिट गरी उनलाई मारेपछि रातको समयमा घरबाट तल झोलुंगे पुलमा लगेर मोदी खोलामा फालेको हत्याको आरोपमा पक्राउ परेकाहरुले बयान दिएको प्रहरीको दाबी छ ।