सन्दीपले बिग ब्यास लिगमा आज चौथो खेल खेल्दै
वि.सं.२०७५ पुस १७ मंगलवार १३:३२
shares

सन्दीप लामिछानेले बिग ब्यास लिग क्रिकेटमा आज चौथो खेल खेल्दै छन् । सन्दीप रहेको टिम मेलबर्न स्टार्सले मेलबर्न रिनेगाडेससँग प्रतिस्पर्धा गर्न लागेको हो । बिग ब्यासमा सन्दीपले यसअघिका तीनै खेल खेलिसकेका छन् ।
नेपाली समयअनुसार २ बजे मेलबर्न क्रिकेट मैदानमा खेल सुरु हुनेछ । सन्दीपले अहिलेसम्म तीन खेलबाट सात विकेट लिएका छन् ।
पहिलो खेलमा सिड्नी थन्डरविरुद्ध सन्दीपले दुई विकेट लिएका थिए भने दोस्रो खेलमा होबार्ट हुरिक्यानेसविरुद्ध तीन विकेट र तेस्रो खेलमा सिड्नी सिक्सर्सविरुद्ध दुई विकेट लिएका थिए ।
तीन खेलमध्ये दुई खेलमा जित र एक खेलमा हार ब्यहोरेको मेलबर्न रिनेगाडेसले चार अंक बनाएर लिगको दोस्रो स्थानमा छ ।

























