काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मेगा बैंकका ग्राहकलाई अब विशेष सुविधा

10.75K
shares

मेगा बैंक नेपालले राजधानीका आठ शाखामा ग्राहकका लागि मंगलबारबाट विशेष सुविधा सुरु गरेको छ । बैंकमा सेवा लिन आउने ग्राहकको सहजताका लागि मेगा बैंकले ‘कस्टमर केयर अफिसर’ नियुक्त गरी विशेष सुविधा थप गरेको हो । उनीहरुलाई ग्राहकको बैंकिङ आवश्यकतालाई हेरविचार गर्ने विशेष जिम्मेवारी दिइएको छ ।

अंग्रेजी नयाँ वर्षको अवसर पारेर राजधानीभित्रका आठवटा शाखामा नमुनाका रुपमा सुरु गरिएको यो सुविधा क्रमशः अन्य शाखामा पनि विस्तार गरिने मेगा बैंककी प्रमुख कार्यकारी अधिकृत (सिइओ) अनुपमा खुञ्जेलीले जानकारी दिइन् । ‘हामीले ग्राहकको विश्वास जित्दै अघि बढ्दै भन्ने मूलमन्त्र बनाएका छौं । तसर्थ, हरेक ग्राहक हाम्रा लागि मूल्यवान हुनुहुन्छ । उहाँहरुलाई बैंकमा आउँदा कुनै अप्ठ्यारो परे तत्कालै हेरविचार होस् र सेवा सुविधा लिन सहज होस् भन्ने उद्देश्यले यो सुविधा सुरु गरेका हौं,’ उनले भनिन् ।

‘मेगा कस्टमर केयर अफिसर’ले मेगा बैंकको शाखा कार्यालयमा पुग्ने ग्राहकलाई स्वागत गर्नुका साथै उनीहरुका समस्या, गुनासो र सुझाव सुनेर त्यसलाई बैंकका सम्बन्धित शाखासँग समन्वय गर्नेछन् । जसले ग्राहकलाई बिनाझन्झट र छिटोछरितो सेवा लिन मद्दत पुग्ने मेगा बैंकको विश्वास छ ।