इरानमा हालै आएको बाढी पहिरोमा पनि मृत्यु हुनेको संख्या ७६ पुगेको छ । देशका विभिन्न ठाउँमा आएका बाढी पहिरोमा परी उनीहरूको मृत्यु भएको सरकारी अधिकारीहरूले मंगलबार जनाएका छन् ।

इरानको राष्ट्रिय प्रकोप व्यवस्थापन निकायका प्रमुख मोहम्मद हसन नामीले बाढी पहिरोमा परेर बेपत्ता भएका १६ जना अझै नभेटिएको जानकारी दिए । बेपत्ता भएकाहरूको अझै पनि खोजी कार्य जारी रहेको र त्यसका लागि उद्धारकर्ता, सुरक्षाकर्मीलगायतलाई खटाइएको उनको भनाइ छ ।

इरानमा यही जुलाई २३ देखि भारी वर्षा भएको र वर्षाका कारण बाढी पहिरो आएकोले ठुलो क्षति भएको अधिकारीहरूले बताएका छन् ।

बाढी पहिरोले १ सय ६७ क्षेत्र, १ सय ३० सहर, १ हजार ३ सय ८६ गाउँ र १ सय ५३ सडक प्रभावित भएको पनि जनाइएको छ । यस अवधिमा ६१ हजार १ सय २७ जनालाई राहत सामग्री पनि उपलब्ध गराइएको छ ।

प्रकाशित समय : ०८:२८ बजे