नेपाली कांग्रेस चितवनका महासमिति सदस्य, पूर्व सचिव एवं पूर्व सांसद एकनाथ रानाभाटको निधन भएको छ । सोमबार ६६ वर्षको उमेरमा उपचारका क्रममा निधन भएको नेपाली कांग्रेसले जनाएको छ । स्वर्गीय रानाभाट विद्यार्थीकालीन अवस्थादेखि नै राजनीतिमा सक्रिय रहँदै आएका थिए ।

नेपाली कांग्रेसले शोक वक्तव्य निकाल्दै उनको आत्माको चिरशान्तिको कामना गरेको छ । चितवनको रत्ननगर नगरपालिका १४ पिठुवा निवासी स्वर्गीय रानाभाट वि.सं. २०५६ को आम निर्वाचनमा चितवन जिल्ला निर्वाचन क्षेत्र नं. २ बाट नेपाली कांग्रेसको तर्फबाट प्रतिनिधि सभा सदस्यमा निर्वाचित भएका थिए ।

उनको पार्थिव शरीरलाई भोलि विहान ८ः३० देखि ९ः३० बजेसम्म नेपाली कांग्रेस जिल्ला कार्यसमितिको कार्यालय, नारायणगढमा राखिनेछ र त्यसपछि देवघाटमा अन्त्येष्ठी गरिने कार्यक्रम रहेको कांग्रेसले जनाएको छ ।

प्रकाशित समय : २३:३६ बजे