तीन महीनादेखि हराइरहेका हुम्ला चंखेली गाउँपालिका– २ दार्मा गर्खाका १४ वर्षीय शैलेन्द्र शाहीको कंकाल भेटिएको छ ।

गत साउन १ गते स्थानीय धुम्माधारा खर्कबाट दूध र दही लिएर घर फर्कने क्रममा तामेखोलाबाट उनी हराएका थिए । साउने संक्रान्तिका दिन घरखर्कदेखि गाउँसम्मका सबै बाटो र बस्तीमा उनकोे खोजीमा परिवार र स्थानीय प्रशासनले लामो समय खर्चेको बुबा जनक शाहीको भनाइ छ ।

घटनाको अनुसन्धानका लागि जिल्ला प्रहरी कार्यालयले तत्काल पिप्लाङ र दार्मा प्रहरी चौकीलाई खबर गर्ने जनाएको छ । मृतक शाही स्थानीय बालज्योति आधारभूत विद्यालयको कक्षा ५ मा अध्ययनरत् थिए ।

प्रकाशित समय : १५:२२ बजे