पूर्वपश्चिम राजमार्गअन्तर्गत नवलपरासी पूर्वको गैंडाकोटमा गए राति दुर्घटनामा परी एक युवतीको मृत्यु भएको छ । गैंडाकोट-२ भृकुटी चोकमा पूर्वबाट पश्चिमतर्फ जाँदै गरेको ना. १८ प १२४६ नम्बरको स्कुटर र विपरीत दिशाबाट आउँदै गरेको ना. ४१ प २६७५ नम्बरको स्कुटर एकआपसमा ठोक्किँदा सो दुर्घटना भएको हो ।

दुर्घटनामा ना. ४१ प २६७५ नम्बरको स्कुटर चालक चितवन गुञ्जनगर–४ का २६ वर्षीया अनिसा रानामगरको मृत्यु भएको जिल्ला प्रहरी कार्यालयले जनाएको छ । दुर्घटनामा गम्भीर घाइते रानाको उपचारको क्रममा चितवनस्थित नयाँ मेडिकल कलेजमा मृत्यु भएको हो ।

यसैबीच, भदौ २९ गतेदेखि बेपत्ता नवलपरासी पूर्वको विनयी त्रिवेणी गाउँपालिका–७ का ४० वर्षीया धर्वेन्द्रप्रसाद गुप्ता सोमबार मृत फेला परेका छन् । उनी नारायणी नदी किनारमा मृत फेला परेको जिल्ला प्रहरी कार्यालयले जनाएको छ । शव परीक्षणका लागि चोरमारा स्वाथ्यचौकीमा राखिएको छ ।

प्रकाशित समय : १३:२४ बजे