गृहपृष्ठ एक वर्षमा साढे ११ हजार महिला हिंसाका घटना
एक वर्षमा साढे ११ हजार महिला हिंसाका घटना
नेपालमा आर्थिक वर्ष २०७३/७४ मा साढे ११ हजार महिला हिंसाका घटना भएको पाइएको छ । महिला पुनःस्थापना केन्द्र र ओरेक नेपाल प्रस्तुत गरेको तथ्यांकअनुसार सरकारी तथ्यांकअनुसार आर्थिक वर्ष २०७३/०७४ मा ११ हजार ६ सय २९ महिला हिंसाका घटना भएका हुन् । महिला हिंसामा परेर पनि कयौं घटना घरभन्दा बाहिर ननिस्किने हुँदा यकिन तथ्यांक भने बाहिर आउँदैन ।
आर्थिक वर्ष २०७४२/७४ मा महिला हिंसासम्बन्धी ११ हजार ६ सय २९ मुद्दा दर्ता भएकोमा ६ हजार ८ सय ८२ वटा मिलापत्र भएका छन् भने ५ सय ८२ मुद्दामात्र अदालत गएको स्थानीय तहमा लैंगिङ नीति निर्माणसम्बन्धी कार्यशाला गोष्ठीमा जानकारी दिइयो ।
कार्यक्रमका सहभागीले समाजका सूक्ष्म कुरालाई समेटेर लैंगिक नीति निर्माण गर्नुपर्नेमा जोड दिएका छन् । पथरी शनिश्चरे नगरपालिकाकी उपप्रमुख यमुना विष्टले लैगिक नीति बनाउन आफूहरु तयार रहेको बताइन् । मानवअधिकारकर्मी रेणुराज राजभण्डारीले लैंगिक रुपमा पछाडि परेको वर्गलाई सरकारले मूल प्रवाहमा नल्याइन्जेलसम्म सरकारले लिएको समृद्ध नेपाल र सुखी नेपालीको चाहना पूरा नहुने बताइन् । उनले अब स्थानीय तहका प्रमुख, उपप्रमुखहरुले बाहनाबाजी नगरी विशेष लैंगिक नीति निर्माण गर्नुपर्नेमा जोड दिइन् ।
यस्तै जिल्ला समन्वय समिति मोरङका संयोजक नरेश पोखरेलले स्थानीय तहले अल्मलिने अवस्था नरहेको भन्दै छिटोभन्दा छिटो नीति बनाएर अगाडि बढ्न आग्रह गरे । उनले लैंगिक नीति बनाउँदा सामाजिक परिवेशलाई ध्यान दिइनुपर्ने बताए ।
प्रकाशित समय : १८:०९ बजे