काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

शान्तिका लागि कानुन कार्यान्वयनमा जोड

16.38K
shares

शान्तिका लागि कानुन निर्माण र कार्यान्वयनमा जोड दिनु पर्ने एक कार्यक्रमका सहभागीहरुले बताएका छन् । बुधबार शान्तिका लागि साझा अभियान कोक्यापले वीरेन्द्रनगरमा आयोजना गरेको संवाद कार्यक्रमका सहभागीहरुले यस्तो बताएका हुन् ।

‘सामाजिक न्याय र मानव अधिकार हामी सबैको साझा सरोकार’ संघीय संरचनामा राजनितिक दल र नागरिक समाजको भुमिका विषयक संवाद कार्यक्रमका सहभागीहरुले शान्तिका लागि कानुन पहिलो बाधक भएको बताएका थिए ।

कार्यक्रममा सांसद सीता नेपालीले नेपालमा कानुन बन्ने र कार्यान्वयन नहुने भएको कारण पनि अशान्तिको सामना गर्नुपरेको बताईन् । उनले भनिन्, ‘दश वर्षे जनयुद्धका कारण देशमा अशान्ति भएको भन्ने कुरा गलत हो । आज पनि समाजमा शान्ति छैन । यसको मूल कारण कानुन निर्माण र कार्यान्वयनको कमजोरी हो ।’

सांसद सुशिल थापाले आफूहरुले समाजमा शान्ति स्थापनाको लागि सहयोग गर्ने भन्दै कानुन निमार्मणमा समेत पहल गर्ने बताए । त्यस्तै सांसद दानसिं परियारले समाजमा एउटा मात्रै समस्या नभएकोले शान्ति स्थापनामा कठिनाई भएको भन्दै सामाजिक सोच र चिन्तनमा पनि उत्तिकै परिवर्तन हुनुपर्ने बताए ।

त्यस्तै अधिवक्ता नन्द भण्डारीले संविधान कार्यान्वयन भएपनि कानुनको उचित कार्यान्वयन नहुँदा शान्ति प्रक्रियानै धरापमा परेको बताए ।

कार्याक्रममा सहभागी अधिकांशले कानुन र सामाजिक सोचका कारण समाजमा अशान्तिको वातावरण सिर्जना भएको बताएका थिए । कार्यक्रममा शिक्षाविद् पिताम्बर ढकालले संघिय संरचनामा राजनितीक दल र नागरिक समाजको भूमिका विषयमा कार्यपत्र प्रस्तुत गरेको थिए ।