काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

धनुषाको यदुकुवामा सेनाको स्वास्थ्य शिविर, सयौं लाभान्वित

12.35K
shares

धनुषाको विकट क्षेत्रका गरिब, असहाय, विपन्नहरुलाई मध्यनजर गर्दै शहीदनगर नगरपालिकामा नेपाली सेनाले निःशुल्क स्वास्थ्य शिविरको आयोजना गरेको छ । धनुषाको निकै पिछडिएको क्षेत्र मानिने ग्रामिण क्षेत्रमा गएर नेपाली सेनाले आयोजना गरेको निःशुल्क स्वास्थ्य शिविरमा सयौंले स्वास्थ्य सेवा पाएका छन् ।

नेपाली सेनाको २७ नम्बर बाहीनी अड्डा गोरखनाथ गणले शहीदनगर नगरपालिका–३ स्थित यदुकुवामा आयोजना गरेको निःशुल्क स्वास्थ्य शिविर तथा नेपाली सेनासम्बन्धी फोटो प्रदर्शनीमा ४ सय ५० बिरामीले स्वास्थ्य चेकजाँच गराउनुको साथै निःशुल्क औषधी पाएका छन् ।

गोरखनाथ गणका गणपति भोला पाण्डेको नेतृत्वमा आयोजित निःशुल्क स्वास्थ्य शिविरमा शहीदनगर नगरपालिका प्रमुख उदयकुमार बरबरिया, २६ बाहीनीका बाहीनीपति बाबुराम श्रेष्ठलगायत स्थानीय जनप्रतिनिधि, वुद्धिजिवीहरुको विशेष उपस्थिती थियो । सेनाद्वारा आयोजित स्वास्थ्य शिविरमा अर्थोपेडिक, स्त्री तथा प्रशुती रोग, प्रेसर, सुगर तथा रुघाखोकीलगायतका बिरामीलाई चेकजाँच गर्दै औषधि समेत वितरण गरिएको गणपति भोला पाण्डेले जानकारी दिए ।

नेपाली सेनाले गरिब, विपन्नहरुलाई मध्यनजर गर्दै आफ्नो नगरमा निःशुल्क स्वास्थ्य शिविर तथा सेनासम्बन्धी फोटो प्रदशर्नी गरेर सेना साँच्चिकै देशको गौरब र शान रहनुको साथै दिन दुःखीका सहाराको पात्र रहेको महसुस गराएको प्रमुख उदय बरवरियाले बताए । ‘ग्रामीण क्षेत्रमा सेनाले आयोजना गरेको मानवीय कार्यप्रति सम्पूर्ण जनताको तर्फबाट आभार प्रकट गर्दछु,’ उनले भने ।