सेयर बजार ५ अंकले घट्यो
वि.सं.२०७५ पुस १० मंगलवार २३:५०
shares

सेयर बजार परिसूचक नेप्से मंगलबार ५ अंकले घटेको छ । नेप्सेमा सूचीकृत सबै समूह ओरालो लागेपछि समग्र बजार परिसूचक नकारात्मक बनेको हो ।
मंगलबार बैंक, वित्त, बिमा, जलविद्युतलगायत सबै समूह घटेपछि नेप्से ५.७१ अंकले घटेर ११८६.०३ अंकमा झरेको छ । आइतबार ३२ अंकले बढेको बजार सोमबार पनि सामान्य घटेको थियो ।
नेप्सेसँगै कारोबार रकम पनि ओरालो लागेको छ । मंगलबार ४२ करोड १३ लाखको सेयर कारोबार भएको छ । सोमबार ७९ करोड ८७ लाखको सेयर किनबेच भएको थियो ।

























