देशको पहाडी भेगहरुमा आंशिक देखि सामान्य बदली भई आज पहाडी भूभागका थोरै स्थानहरुमा मेघ गर्जन सहित हल्का वर्षाको सम्भावना रहेको मौसम पूर्वानुमान महाशाखाले जनाएको छ ।

प्रिमनसुन र पश्चिमी वायुको प्रभावले गर्दा हल्का वर्षाको सम्भावना रहेको हो । दिउँसो देशको पुर्वी भूभाग,मध्य र पश्चिमी पहाडी भूभागमा आंशिक बदली रही बाँकि भूभागमा मौसम सामान्यतया सफा हुने जनाइएको छ ।

पूर्वी पहाडी भूभागका थोरै स्थान तथा मध्य र पश्चिमका पहाडी भूभागका एक दुइ स्थानमा मेघ गर्जन सहित वर्षाको संभावना रहेका महाशाखाको भनाइ छ । राति देशको पहाडी भूभागमा आंशिक बदली रही बाँकी भूभागमा सामान्यतया सफा हुने छ ।

त्यस्तै पहाडी भूभागका केही स्थानमा मेघ गर्जन सहित वर्षाको सम्भावना रहेको महाशाखाले जनाएको छ ।

प्रकाशित समय : १६:२५ बजे