भुक्तानी सेवा प्रदायक ईसेवाले आज परेको अन्तर्राष्ट्रिय बिमा जागरूकता दिवसका अवसरमा विशेष अफर सार्वजनिक गरेको छ । अफरअन्तर्गत मंगलबार (अन्तर्राष्ट्रिय बिमा जागरूकता दिवस)का दिनमा दिउँसो १२ बजेदेखि २ बजेसम्म ईसेवामार्फत जीवन बिमाको बिमाशुल्क भुक्तानी गर्दा २ सय रुपैयाँ क्यासब्याक प्राप्त गर्न सकिने कम्पनीले जनाएको छ ।

यसैगरी जीवन बिमा कम्पनीमा गई सोही दिन क्यूआरमार्फत भुक्तानी गर्दा पनि सोही क्यासब्याक पाउन सकिनेछ । यसैगरी यसरी ईसेवामार्फत भुक्तानी गर्दा ईसेवाले हाल सञ्चालन गरिरहेको लखपति योजनामा समेत सहभागी हुन सकिनेछ । ईसेवाले बीमितहरुले घरमै बसेर बिमा शुल्क भुक्तानी गर्न प्रोत्साहन मिलोस् भन्ने उदेश्यले बीमितहरूका लागि लखपति योजना सञ्चालन गरिरहेको छ ।

भदौ ५ गतेसम्म सञ्चालन हुने यस योजनामा ईसेवाबाट कुनै पनि जीवन बिमा कम्पनीको बिमा शुल्क भुक्तानी गर्ने व्यक्तिहरुमध्येबाट बम्पर उपहारमा एक जनाले एक लाख रुपैयाँ उपहार प्राप्त गर्नेछन् । यस्तै उपहार बिजेता बीमितको बिमा एजेन्ट र सोही एजेन्टको शाखा कार्यालयले पनि २०/२० हजार नगद उपहार प्राप्त गर्नेछन् ।

यसैगरी योजना सञ्चालन अवधिभर बिमा शुल्क भुक्तानी गर्नेहरुबाट हरेक दिन एक जनाले गोलाप्रथामार्फत एक हजार रुपैयाँ प्राप्त गर्नेछन् । यो योजना नेपालमा सञ्चालिन सबै बिमा कम्पनीको शुल्क भुक्तानी गर्दा लागू हुनेछ ।

ईसेवाले पछिल्ला दिनमा इन्स्योरेन्सकाे प्रिमियम अनलाइनबाट भुक्तानी गर्न प्रोत्साहन गर्नका लागि विभिन्न अफर तथा योजना सार्वजनिक गर्दै आएको छ ।

प्रकाशित समय : १६:५३ बजे