साताको दोस्रो दिन सोमबार सेयर बजार झिनो अंकले बढेको छ । आज सेयर बजार मापक नेप्से परिसूचक ०.२७ अंकले बढेर दुई हजार ९४७.६९ अंकमा प्रवेश गरेको छ । त्यस्तै ठूला कम्पनीको कारोबार मापन गर्ने सेन्सेटिभ परिसूचक पनि झिनो अंकले वृद्धि भएको छ । आज ०.५५ अंकले बढेर ५४८.८७ अंकमा पुगेको छ ।

आज २२६ कम्पनीको एक करोड ५६ लाख ८१ हजार १८४ कित्ता सेयर बजार खरिदबिक्री भएको छ । जुन सेयर ९ अर्ब २९ करोड पाँच लाख ५४ हजार १५५ रुपैयाँमा किनबेच भएको नेप्सेले जनाएको छ ।

नेपाल स्टक एक्सचेन्जमा सूचीकृत १३ उपसमूहरुमध्ये ६ उपसमूहअन्तर्गतको सेयर ओरालो लागेको छ भने बाँकी सबैको सेयरमा झिनो अंकले वृद्धि भएको छ । बैंकिङ १६.८१, व्यापार २९.५३, होटल तथा पर्यटन ४.१३, विकास बैंक ४.३५, वित्त २.५, निर्जीवन बिमा १९८.८६ र जीवन बिमा ८५.८४ अंकले बढेको छ भने जलविद्युत ९०.५६, उत्पादनमुलक ९३.८, अन्य ८.१७, लघुवित्त ३१.०४, सामुहिक लगानी कोष र लगानी समूह ०.६४ अंकले बढेको छ । 

त्यस्तै आज अजोड इन्स्योरेन्स कम्पनीको सेयरमा सकारात्मक सर्किट लागेको छ । मनकामना स्मार्ट लघुवित्त वित्तीय संस्था र सानिमा लाइफ इन्स्योरेन्स कम्पनीको सेयर ९.९९ प्रतिशतले बढेको छ ।