रुस विश्वकपमा आयोजक रसियाले आफ्नो अपराजित यात्रालाई निरन्तरता दिएको छ । समूहको शीर्ष स्थानमा उक्लिएको रसियाले गएराति भएको समूह चरणको आफ्नो दोस्रो खेलमा इजिप्टलाई ३–१ ले पराजित गर्दै विजयी यात्रा जोगाएको हो ।

रुसले पहिलो खेलमा साउदी अरेवियालाई ५–० गोल अन्तरले पराजित गरेको थियो । रसियाले विश्वकपमा समूह चरणको लगातार दुई खेल जितेको यो पहिलो पटक हो । यससँगै रसियाले पहिलो पटक समूह चरण पार गर्ने सम्भावना बलियो बनाएको छ । मोहम्मद सलाहको टोली इजिप्ट भने लगातार दुई खेल हारेकाले समूह चरणबाटै घर फर्किने सम्भावना बढेको छ ।

सन् १९५८ देखि १९९० सम्म शोभियत युनियनको नामबाट खेल्दा सन् १९६६ मा चौथो स्थन हासिल गरेको थियो । अब रुसले समूहको अन्तिम खेलमा उरुग्वेलाई पाखा लगाउनुपर्नेछ । उरुग्वे बलियो टोली मानिन्छ ।

खेलको पहिलो हाफमा रसियालाई गोलरहित बराबरीमा रोकेको इजिप्ट फाथीको आत्मघाती गोलसँगै ४७ औँ मिनेटमा पछि परेको थियो । त्यसको १२ मिनेटमा चेरिसेभले सानदार गोल गर्दै रूसलाई २–० ले अघि बढाए । त्यसको तीन मिनेमा नै खेलको ६२ औँ मिनेटमा डिजुवाले अर्को गोल गर्दै रसियालाई २–० को अग्रता दिलाए ।

इजिप्टका लागि सान्त्वना गोल मोहम्मद सलाहले ७३ औँ मिनेटमा पेनाल्टी मार्फत गरे । उनलाई रुसी खेलाडीले डी बक्सभित्र लडाएपछि इजिप्टले पेनाल्टी पाएको थियो ।

प्रकाशित समय : १४:३० बजे