कर्णालीका खराब सूचक सुधारमा ध्यान दिन मुख्यमन्त्री शाहीको सुझाव
कृषि विकास बैंकको वित्तीय साक्षरता
वि.सं.२०७५ असार ६ बुधवार १९:५८
14.18K
shares
shares
कृषि विकास बैंक लिमिटेडले चितवनको माडीमा वित्तीय साक्षरता कार्यक्रम सम्पन्न गरेको छ । बैंकले सामुदायिक सिकाई केन्द्रको समन्वयमा एक दिने विक्ति साक्षरता कार्यक्रम आयोजना गरेको थियो ।
उक्त कार्यक्रममा माडी नगरपालिका– ८ का वडा अध्यक्ष कृष्णराज अधिकारी, सामुदायिक सिकाई केन्द्रका अध्यक्ष सुर्य अधिकारी, समाजसेवी, विभिन्न सहकारीका अध्यक्ष÷प्रबन्धक तथा सर्वसाधारण गरी करीब ५० जना सहभागी थिए । बैंकका क्षेत्रीय कार्यालय वीरगञ्जका प्रमुख रामचन्द्र अधिकारीले वित्तीय साक्षरताको अर्थ र आवश्यकता, नेपालको आर्थिक तथा वित्तीय प्रणाली, वचत गर्दा हुने फाईदा आदिका बारेमा प्रशिक्षण दिएका थिए ।
यसका साथै सफा नोटको महत्व, समृद्ध राष्ट्र निर्माणको आधारको रुपमा रहेको विप्रेषण, जोखिम न्यूनिकरणको माध्यमका रुपमा रहेको कृषि र पशु बीमा, घरायसी बजेट निर्माणको महत्व आदि विषयमा जानकारी दिइएको थियो ।
