चौथो अन्तर्राष्ट्रिय योग दिवसका अवसरमा जनकपुरमा योग शिविर आयोजना गरिएको छ । अन्तर्राष्ट्रिय योग दिवसको अवसरमा जनकपुरमा योग शिविरको भव्य तयारी भइरहेको जानकी मन्दिरका छोटे महन्थ रामरोशन दासले जानकारी दिए ।
वीरगन्जस्थित भारतीय महावाणिज्य दूतावासको आयोजनामा जानकी मन्दिरमा बिहीबार बिहान ५ बजेदेखि योग शिविर सुरु हुनेछ । योग शिविरमा प्रदेश २ का मुख्यमन्त्री लालबाबु राउतसहित मन्त्री, सभामुख, भारतीय महावाणिज्य दूतलगायत सर्वसाधारणको सहभागिता रहने आयोजकले जनाएको छ । विगत वर्षहरुमा योग दिवसका अवसरमा वीरगन्जमा हुँदै आएको योग शिविर जनकपुरमा पहिलोपटक आयोजना गरिएको हो ।
योग शिविरमा धनुषाका विभिन्न स्थानमा योग गराउँदै आएका योग गुरुलाई सम्मान गर्ने कार्यक्रम छ । हाल धनुषाका ३० स्थानमा योग शिविर नियमित सञ्चालनमा छन् ।

प्रकाशित समय : २०:०६ बजे