सरकारले युरोपेली पूर्वाधार बैंकलाई नेपालमा लगानी बढाउन आग्रह गरेको छ । परराष्ट्रमन्त्री प्रदीप ज्ञवालीले युरोपली पूर्वाधार बैंकलाई नेपालमा लगानी वृद्धि गर्न आग्रह गरेका हुन् ।

युरोपका विभिन्न मुलुकको भ्रमण पूरा गरी बुधबार स्वदेश फर्किएका परराष्ट्रमन्त्री ज्ञवालीले त्रिभुवन अन्तर्राष्ट्रिय विमानस्थलमा बैंकले नेपालको ऊर्जा, कृषि र पूर्वाधार विकासमा लगानी बढाउन चासो देखाएको जानकारी गराए । ‘युरोपियन युनियन पनि नेपालमा लगानी बढाउन इच्छुक देखिएको छ,’ उनले भने । युरोपमा उनले गैरआवासीय नेपालीलाई पनि नेपालमा लगानी भित्र्याउन आवश्यक पहलका लागि आग्रह गरेका थिए ।

प्रकाशित समय : ००:०१ बजे