सुर्खेतमा लागु औषधसहित एक महिला आइतबार पक्राउ परेकी छन् । आइतबार दिउँसो साढे चार बजे वीरेन्द्रनगर ११ सुब्बाकुना प्रहरी चौकी सुर्खेतको चेक प्वाइृन्टमा चेक जाँचको क्रममा लागुऔषध सहित महिला फेला परेकी हुन् ।

नेपालगञ्जबाट सुर्खेतर्फ आउदै गरेको हाइसमा सवार विरेन्द्रनगर नगपालिका १२ बस्ने २६ वर्षकी पवित्रा बिसी (विष्ट) ले लुकाई छिपाई ल्याउदै गरेको २ ग्राम ६ सय १० मिलीग्राम लागु औषध आइतबार बरामद गरिएको जिल्ला प्रहरी कार्यालय सुर्खेतले जानकारी दिएको छ ।

पक्राउ परेकी पवित्राको थप अनुसन्धान भइरहेको जानकारी प्रहरीले दिएको छ ।

प्रकाशित समय : ०१:१६ बजे