काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

समुद्री आँधीले दक्षिणी चीन अस्तव्यस्त, फिलिपिन्समा ६४ जनाको मृत्यु

11.11K
shares

समुद्री आँधी म्याङकुटले दक्षिणी चीनको जनजीवन कष्टकर बनेको छ ।डुबान, भारी वर्षा र तीब्र हुरीले दक्षिणी चीन अस्तव्यस्त भएको छ । करिब २५ लाख मानिसहरूलाई सुरक्षित स्थानमा सारिएको छ ।

आँधीको गति प्रतिघण्टा १ सय ६२ किलोमिटर छ । उडानहरू रद्द छन् भने रेल सेवा ठप्प छ । पानी भरिदा मुख्य सडक सञ्जाल समेत बन्द छन् ।

ग्वाङडुङ प्रान्तमा उच्च सतर्कता अपनाउँदै घरहरू बन्द गरिएको र घरबाहिर ननिस्किन अधिकारीहरूले चेतावनी दिएका छन् । ग्वाङडुङमा मात्रै दुईजनाको मृत्यु भएको चिनियाँ सञ्चारमाध्यमहरूले जनाएका छन् ।

उता फिलिपिन्समा म्याङ्कुट आँधीले नै ६४ जनाको ज्यान लिएको छ । फिलिपिन्समा आँधीले निम्त्याएको पहिरोमा फसेकाहरूको उद्दार जारी रहेको जनाइएको छ । म्याङ्कुट हङकङ र चीनतिर अघि बढ्नुभन्दा पहिले फिलिपिन्समा वितण्डा मच्चाएको थियो ।