काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

यु–१९ एसिया कपमा नेपालको सान्त्वना जित

12.33K
shares

एसीसी यु–१९ एसिया कप क्रिकेटमा सान्तवना जित हाँसिल गरेको छ । योसँगै नेपालले प्रतियोगिता यात्रा अन्त्य गरेको छ । युएईलाई ३ विकेटले पराजित गर्दै नेपालले प्रतियोगिता सान्त्वना जित निकालेको हो । अघिल्ला २ खेलमा पराजय भोग्दै प्रतियोगिताबाट बाहिरिसकेको नेपाल आफ्नो अन्तिम खेलमा भने ३ विकेटले विजयी भएको हो ।

युएईले दिएको २ सय ६९ रनको लक्ष्य नेपालले ४९.३ ओभरमा ७ विकेट गुमाउँदा पूरा गर्यो । नेपालको जितमा रोहितकुमार पौडेलले सर्वाधिक ९२ रन बनाए । सन्दीप जोराले पनि अर्धशतकीय पारी खेल्ने क्रममा ६७ रनको दोस्रो सर्वाधिक रन जोडे । कप्तान आसिफ शेखले ३५, रसिद खानले नटआउट २७ र रीत गौतमले १८ रनको योगदान दिए । सन्दीप आउट भएपछि हारको संघारमा पुगेको नेपालका लागि रोहित र आसिफले उत्कृष्ट प्रदर्शन गरेका थिए । रसिदले १४ बलमा ३ छक्का प्रहार गर्दै जित दिलाए । युएईका आरोन बेन्जामिन र आर्यन लाक्राले २–२ तथा फहद नवाज र पालानिएपेन मेइयाप्पेनले एक–एक विकेट लिए ।

यसअघि बंगलादेशको क्रिरा शिख मैदानमा टस जितेर पहिला ब्याटिङ गरेको युएईले पूरै ५० ओभर खेल्दै ८ विकेटको क्षतिमा २ सय ६८ रन बनाएको थियो । युएईका लागि ओपनिङ ब्याट्म्यान कप्तान फहद नवाज र अन्स टन्डनले अर्धसतकीय पारी खेले ।

त्यस्तै ब्रान्डन एडमले १९, वसी शाहले १८, अलि मिर्जाले १६, फिग्य जोनले १५, स्याइद हाइदेरले १२ र पालानिएपेन मेइयाप्पेनले ११ रन जोेडे । नेपालका लागि पवन सरार्फ, नन्दन यादव र रसिद खानले २–२ तथा सुर्य तामाङ र सागर ढकालले एक–एक विकेट लिए ।