आगामी मङ्सिर १ गते राप्ती नदी दिवस मनाइँदै
सेयर बजार १० अंकले बढ्यो
वि.सं.२०७५ मंसिर २४ सोमवार ०२:२६
12.92K
shares
shares
सेयर बजार परिसूचक नेप्से आइतबार १० अंकले बढेको छ । कारोबार सुरु भएदेखि स्थिर देखिएको बजार अन्तिम आधा घण्टामा १०.८५ अंकले बढेर ११३१.७० अंकमा पुगेको हो ।
आइतबार वित्त र उत्पादनमूलकबाहेकका सबै समूह बढेका छन् । बैंक समूह सबैभन्दा धेरै १.३७ प्रतिशतले बढेको छ । सेयर बजार बढे पनि कारोबार रकम भने ओरालो लागेको छ । आइतबार १५५ कम्पनीको २२ करोड ३७ लाख रुपैयाँबराबरको ७ लाख १४ हजार ६१८ कित्ता सेयर किनबेच भएको छ । यो रकम गत साताको अन्तिम कारोबार हुने दिन बिहीबारको भन्दा १५ करोड कम हो । बिहीबार ३७ करोड ९ लाख रुपैयाँको सेयर कारोबार भएको थियो ।
बढेको बजारमा मिर्मिरे लघुवित्त, वरुण हाइड्रोपावर, एनआईसी एसियालगायत कम्पनीका लगानीकर्ताले कमाएका छन् भने लक्ष्मी इक्विटी फन्ड, लक्ष्मी लघुवित्त, मिथिला लघुवित्तलगायत कम्पनीका लगानीकर्ताले गुमाएका छन् ।
