मुक्तिनाथ विकास बैंकको शाखा मोरङको उर्लाबारीमा
वि.सं.२०७५ पुस ७ शनिवार २३:२५
shares

मुक्तिनाथ विकास बैंकले मोरङको उर्लाबारीमा शाखा विस्तार गरेको छ । नयाँ शाखाको उर्लाबारी नगरपालिका प्रमुख खड्गबहादुर फागुले उद्घाटन गरे । शाखा कार्यालय उद्घाटन गर्दै फागुले बैंकिङ व्यवसाय प्रवर्धनलाई तीव्रता दिन आग्रह गरे ।
मुक्तिनाथ विकास बैंकले देशैभर करिब ६ लाख ग्राहकलाई आधुनिक बैंकिङ, लघुवित्त बैंकिङ र ग्रामीण बैंकिङ सेवा प्रदान गर्दै आएको छ । बैंकले ग्राहकलाई निक्षेप तथा कर्जा सुविधा, रेमिट्यान्स सेवा, बैंकास्योरेन्स, आस्वा, एटिएम कार्ड सेवा, एबिबिएस जस्ता सुविधा उपलब्ध गराउँदै आएको छ ।
कार्यक्रममा बैंकका सहायक प्रमुख कार्यकारी अधिकृत गोविन्दबहादुर राउत, स्थानीय जनप्रतिनिधि एवं व्यापारी व्यवसायीको उपस्थिति रहेको बैंकद्वारा जारी विज्ञप्तिमा उल्लेख छ ।
























