काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

मैथिली सम्मेलन सकियो, १० बुँदे जनकपुरधाम घोषणापत्र जारी

13.36K
shares

जनकपुरधामा आयोजित २ दिवसीय अन्तर्राष्ट्रिय मैथिली सम्मेलन सम्पन्न भएको छ । शनिबारदेखि आयोजित मैथिली सम्मेलन आइतबार साँझ ७ बजे औपचारिक रुपमा सम्पन्न भएको हो ।

२ दिने सम्मेलनको क्रममा प्रस्तुत विभिन्न कार्यपत्रमाथि छलफल गरि प्रदेश नम्बर १ र २ मा मैथिलीलाई प्रदेश भाषा घोषणा गर्न जोड दिइएको छ । स्थानीय तहको सरकारी, अर्धसरकारी, गैरसरकारी कार्यालयहरुमा मैथिलीलाई आधिकारिक भाषाको मान्यता दिइनुपर्ने माग सम्मेलनले उठाएको छ ।

मैथिली सम्मेलनमा विद्यालयको पाठयक्रममा प्रारम्भिक बाल शिक्षा केन्द्रदेखि कक्षा १२ सम्म १०० पूर्णाकको एउटा मातृभाषा अनिवार्य राख्न जोड दिइएको छ । घोषणापत्रको तेस्रो बुँदामा प्रारम्भिक बाल शिक्षादेखि कक्षा ५ सम्म अनिवार्य रुपमा मातृभाषाको माध्यममा शिक्षण गर्न माग गरिएको छ ।

प्रदेश १ र २ मा मुख्य कार्यक्षेत्र राख्दै देशभरमा मैथिली भाषाको संरक्षण र सम्बर्द्धन गर्न मैथिली केन्द्रको स्थापना गरिनुका साथै मैथिली भाषामा पत्रकारिता गर्ने पत्रकार, संचारमाध्यमलाई संरक्षण दिनु पर्नेमा जोड दिइएको छ ।

लोक सेवाको परिक्षामा मातृभाषालाई मान्यता दिइनु पर्ने, संविधानमा उल्लेख भाषा आयोगलाइ पूर्णता दिनुपर्ने, मैथिली भाषा विज्ञलाई समानुपातिक रुपमा समावेश गर्न पर्यटकीय विकास र मिथिला पर्यटन सर्किट निमार्ण गर्नुपर्ने लगायतका माग सम्मेलनले अघि सारेको छ ।

मैथिली साहित्यकार देवेन्द्र मिश्र, हिमांशु चौधरी र अशोक दत्तले घोषणा पत्र तयार गरेका हुन् । कार्यक्रम संयोजक रामभरोस कापडी भ्रमर र महासचिव वैधनाथ चौधरी बैजुले हस्ताक्षर गरेको घोषणा पत्र जनकपुरधाम उपमहानगरपालिकाका मेयर लालकिशोर साहलाई प्रदान गरिएको छ । सहभागीहरुलाइ मेयर साह र संयोजक कापडिले प्रमाणपत्र प्रदान गरी सम्मेलन समापन गरेका थिए ।