काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

नेप्से घट्दा पनि १० प्रतिशत मूल्य बढ्ने यी कम्पनी

13.55K
shares

सेयर बजार परिसूचक (नेप्से) सोमबार ६ प्रतिशतले घटेको छ । वित्त, उत्पादनमूलक, अन्य र जीवन बिमा समूह बढे पनि बैंक, व्यापार, होटल, विकास बैंक, जलविद्युत, निर्जीवन बिमा र लघुवित्त समूह ओरालो लागेपछि समग्र बजार परिसूचक नकारात्मक बनेको हो । सबैभन्दा धेरै व्यापार समूह ४.८ प्रतिशतले घटेको छ ।

वित्तीय सुधारका लागि भएका प्रयास र ब्याजदर सीमाका कारण आइतबार ३२ अंकले बजार बढेको अनुमानबीच सोमबार नेप्से ६.४५ प्रतिशतले घटेर ११९१.७४ अंकमा झरेको छ । नेप्से घटे पनि कारोबार रकममा भने खासै ह्रास आएको छैन । सोमबार १६८ कम्पनीको ७९ करोड ८७ लाख रुपैयाँबराबरको २२ लाख ७६ हजार १७५ कित्ता सेयर किनबेच भएको छ । यो आइतबारको तुलनामा करिब करिब ८ करोड कम हो । आइतबार ८७ करोडको सेयर कारोबार भएको थियो ।

सोमबार एनएमबी बैंकको नै करोड ९५ लाख र ८ करोड २६ लाख रूपैयाँबराबरको प्राइम कमर्सियल बैंकको संस्थापक सेयर कारोबार भएको छ ।

 

नेप्से घट्दा पनि १० प्रतिशतको वृद्धि
नेप्से घट्दा पनि ग्लोबल आइएमई लघुवित्त र हाथवे फाइनान्सको सेयर मूल्य १० प्रतिशत बढेको छ । त्यस्तै, सिभिल लघुवित्तको सेयर मूल्य ९.९५ प्रतिशत र जलविद्युत लगानी तथा विकास कम्पनीको सेयर मूल्य ९.८७ प्रतिशतले उकालो लागेको छ ।

नेप्से top-gainers-newskarobar

ग्लोबल आइएमई लघुवित्तको प्रतिकित्ता सेयर मूल्य ११०० बाट बढेर १२१० रुपैयाँ पुगेको छ भने हाथवेको १२० रुपैयाँबाट बढेर १३२ रुपैयाँ पुगेको छ । त्यस्तै, सिभिल लघुवित्तको ६४ रुपैयाँ बढेर ७०७ रुपैयाँ र जलविद्युत लगानी तथा विकास कम्पनीको १५ रुपैयाँ बढेर १६७ रुपैयाँ पुगेको छ ।

सरकारी स्वामित्वको जलविद्युत लगानी तथा विकास कम्पनीको सञ्चालक समिति बैठकले पहिलोपटक १० प्रतिशत बोनस वितरण गर्ने घोषणा गरेको छ भने पुँजी वृद्धिका लागि शतप्रतिशत हकप्रद निष्कासनको प्रस्ताव साधारण सभामा लैजाने निर्णय गरेको छ ।

साधारण सभाबाट हकप्रदको निर्णय पारित भएपछि कम्पनीले १०० प्रतिशत हकप्रद सेयर निष्कासन गर्नेछ । त्यसका लागि सरकारले सैद्धान्तिक स्वीकृति प्रदान गरिसकेको छ । कम्पनीको जम्मा चुक्ता पुँजी १० अर्ब रुपैयाँ छ । हकप्रद सेयर निष्कासनसँगै कम्पनीको चुक्ता पुँजी २० अर्ब रुपैयाँ पुग्नेछ ।