ग्लोबल आइएमई बैंकका थप तीन शाखारहित बैंकिङ
वि.सं.२०७५ पुस १३ शुक्रवार २२:३२
shares

ग्लोबल आइएमई बैंकले थप तीनवटा शाखारहित बैंकिङ सेवा सञ्चालनमा ल्याएको छ । बैंकले पुस १०, ११ र १२ गते नवलपरासीको मध्यविन्दु नगरपालिका-१५, कावासोती नगरपालिका-१७ र पाल्पाको रम्भा गाउँपालिका-१ मा शाखारहित बैंकिङ सेवा सञ्चालनमा ल्याएको हो ।
तीनवटै शाखारहित बैंकिङ सेवा स्थानीय जनप्रतिनिधि र स्थानीयबासीको रोहवरमा उद्घाटन भएको छ । ग्लोबल आइएमई बैंकका हालसम्म १ सय ३३ शाखा, १ सय ४१ एटिएम, सात एक्सटेन्सन काउण्टर, १४ वटा राजश्व संकलन काउण्टर र १ सय १५ शाखारहित बैंकिङ सेवा छन् भने विदेशमा तीन प्रतिनिधि/सम्पर्क कार्यालय छन् । बैंकले ९ लाख ५० हजारभन्दा बढी ग्राहकलाई सेवा प्रदान गर्दै आएको जनाएको छ ।
























