काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

आर्सनलमाथि लिभरपुलको रवाफिलो जित, फिर्मिन्होको ह्याट्रिक

12.71K
shares

इंग्लिस प्रिमियर लिग फुटबलमा लिग लिडर लिभरपुलले आर्सनलविरुद्ध सानदार जित दर्ता गरेको छ ।

गएराति लिभरपुलकै घरेलु मैदानमा भएको खेलमा आर्सनल ५–१ गोलअन्तरले पराजित भएको हो । लिभरपुलका लागि रोबर्टो फिर्मिन्होले ह्याट्रिक गरेका छन् । मोहमद सलाह र साडियो मानेले पनि एक–एक गोल गरे । आर्सनलका लागि मैथल्यान्ड निल्सको गोल नै सान्त्वना गोल बन्यो । खेलको ११ औं मिनेटमा आर्सनलका लागि निल्सले गोल गर्दै सुरुवाती अग्रता दिलाएपनि लय कायम राख्न नसक्दा आर्सनलले अन्तिमसम्म पाँच गोल खायो ।

१४ औं मिनेटमा फिर्मिन्होले गोल गर्दै लिभरपुललाई १–१ को बराबरी दिलाए । १६औं मिनेटमा फिर्मिन्होले अर्को गोल गर्दै लिभरपुललाई २–१ गोलको अग्रता दिलाएका थिए । मानेले खेलको ३२ औं मिनेटमा गोल गर्दै लिभरपुललाई ३–१ को बलियो स्थितिमा पुर्याए । ४५ औं मिनेटमा लिभरपुलका सलाहले गोल गरेपछि खेल ४–१ को स्थितिमा पुग्यो ।

दोस्रो हाफमा भने थप एक गोल गर्ने क्रममा ६५ औं मिनेटमा लिभरपुलका फिर्मिन्होले पेनाल्टीबाट गोल गर्दै ह्याट्रिक पूरा गरे । जितपछि लिभरपुलले २० खेलबाट ५४ अंक बनाएको छ । आर्सनलको २० खेलबाट ३८ अंक छ । दोस्रो स्थानकोे टोटनह्यामको १९ खेलबाट ४५ अंक छ ।