सरकारले तामझामका साथ घोषणा गरेको सामाजिक सुरक्षा योजनामा नेपाल उद्योग बाणिज्य महासंघले प्रश्न उठाएको छ । महासंघले साना उद्योग मैत्री नभएको ठहर गरेपछि सामाजिक सुरक्षा योजना तुहिने खतरा बढेको छ । महासंघले सरकारलाई सामाजिक सुरक्षा योजनामाथि पूनर्विचार गर्न आग्ह गरेपछि यसको भविष्यबारेमा चासो बढेको छ ।

प्रधानमन्त्रीको फोटो पोलपोलमा झुण्ड्याएर सरकारले मंसिर ११ गते
योगदानमा आधारित सामाजिक सुरक्षा योजना घोषणा गरेको थियो । सरकारको योजना अनुसार कामदारको न्युनतम पारिश्रमिकबाट ११ प्रतिशत र रोजगारदाताबाट २० प्रतिशतसहित ३१ प्रतिशत रकम कोषमा जम्मा गर्ने योजना सरकारको थियो ।

महासंघले साधारणसभाबाट पारितै गरेर उद्योग प्रतिष्ठानहरुलाई पूँजीका आधारमा वर्गिकरण गरेर मात्र सामाजिक सुरक्षा ऐन लागू हुनुपर्ने माग गरेको छ । योजना लागू भएको चार महिनावितिसक्दा अधिकांश उद्योग प्रतिष्ठान यसमा समावेश नभएपछि उद्योग बाणिज्य महासंघले यसमा प्रश्न उठाएको हो ।

प्रकाशित समय : ०१:०१ बजे