गृहपृष्ठ भारतीय बजारमा प्याजको मूल्य अत्यधिक वृद्धि
भारतीय बजारमा प्याजको मूल्य अत्यधिक वृद्धि
भारतमा प्याजको भाउ धमाधम वृद्धि हुँदै छ। महाराष्ट्रको विशाल भण्डारगृहमा प्याजको भाउ उकालो लागेको छ । सरकारले आपूर्ति बढाए पछि भाउ नबढ्ने बताएको थियो । सरकारी भनाइका विपरीत सोमबार नै भण्डार गृहमै १० प्रतिशत भाउ बढेको छ ।
अमरउजाका अनुसार प्याजको बढ्दो मूल्यले सर्वसाधारण चिन्तित छन् । भारतमा सोमबार प्याजको थोक कारोबार मूल्य ८९ रुपैयाँ प्रतिकिलो पुग्यो । यो चार वर्षयताको अधिकतम मूल्य हो ।
प्याज व्यापारीका अनुसार गत वर्ष उत्पादन घटेकाले यस्तो अवस्था आएको हो । बेमौसमी वर्षाका कारण प्याज उत्पादन प्रभावित भएको जनाइएको छ । यस वर्ष प्याजको भाउ १९२ रूपैयाँ प्रतिकिलोसम्म पुग्ने अनुमान गरिएको छ ।
प्रकाशित समय : १८:२१ बजे
