सेयर बजारमा आज पनि गिरावट आएकाे छ । बिहीबारको सेयर बजार २३.५२ अंकले घटेकाे हाे । सेयर काराेबार मापक नेप्से आजसहित लगातार चाैंथाे दिन घटेकाे हाे ।

नेपाल स्टक एक्सचेन्ज (नेप्से)को अनुसार बिहीबार उक्त अंकले सेयर बजार घट्दा सेयर विन्दु १८९३. ७० मा झरेकाे छ । आज ३१ लाख १४ हजार ६८९ कित्ता सेयर किनबेच हुँदा एक अर्ब ११ करोड ९४ लाख रुपैयाँको कारोबार भएको छ ।

आज सेयर बजार घट्दा अत्याधिक गुमाउनेमा पाँच कम्पनीमा तीन हाइड्रोपावर र २ वित्तीय कम्पनी रहेका छन् । अत्याधिक गुमाउनेमा क्रमश: अपर हेवाखोला हाइड्रोपावर कम्पनी, किसान लघुवित्त वित्तीय संस्था, पन्चकन्या माइ हाइड्रोपावर, गुहेश्वरी मर्चेन्ट बैंक एण्ड फाइनान्स र इमर्जिङ नेपाल रहेको छ ।

प्रकाशित समय : १५:२१ बजे