काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

रोल्पाको ऐतिहासिक होलेरी बजार अतिक्रमणको चपेटामा

14.85K
shares

रोल्पाको ऐतिहासिक होलेरी बजार अतिक्रमणको चपेटामा परेको छ । होलेरी बजार क्षेत्रस्थित विद्यालय र मन्दिरका नामका जग्गाका साथै सामुदायिक वन क्षेत्र तथा ऐलानी जग्गासमेत अतिक्रमण गरी घरटहरा बनेका छन् ।बजार क्षेत्रको ऐलानी जग्गासमेत अतिक्रमण भएका छन् ।

होलेरीमा रहेको महेन्द्र माध्यमिक विद्यालयको स्वामित्वको जग्गामा ठूलठूला भवन र टहरा बनेको स्थानीयवासी नन्दराम खड्काले जानकारी दिए । मन्दिरको जग्गामा ग्यारेज तथा सामुदायिक वन र ऐलानी जग्गामा घरटहरा बनेका खड्काले बताएका छन् । नेपाली कांग्रेस, नेकपा एमाले र माओवादी केन्द्रका स्थानीयस्तरका उच्च राजनीतिक हैसियत भएका नेताहरु नै ऐलानी जग्गामा घरटहरा बनाएको खड्काकाे भनाइ छ ।

अतिक्रमण हटाउन स्थानीय सरकारले पहल गरे पनि सार्थक हुन नसकेको स्थानीयवासीको भनाइ छ । बजार क्षेत्रको गुरुयोजना बनाएर अगाडि बढ्ने सहमति भए पनि हालसम्म कार्यान्वयन नभएको समेत उनले बताएका छन् ।