सुनचाँदी बजारमा आज छापावाल सुनको मूल्य प्रतितोला एक सयले घटेर ९१ हजार ७ सय रूपैयाँ कायम भएको छ । अघिल्लो दिन सुन प्रतितोला ९१ हजार ८ सयमा कारोबार भएको नेपाल सुनचाँदी व्यवसायी महासंघले जनाएकाे छ ।

महासंघका अनुसार तेजाबी सुनको आजको मूल्य प्रतितोला ९१ हजार २ सय तोकिएको छ । यसको मूल्य बुधबार प्रतितोला ९१ हजार ३ सय रूपैयाँ थियो । त्यस्तै चाँदीको मूल्य अघिल्लो कारोबार मूल्यका तुलनामा प्रतितोला पाँच रूपैयाँले बढेर एक हजार २३० पुगेको महासंघले जनाएको छ ।

अन्तर्राष्ट्रिय बजारमा आज सुन प्रतिऔँस एक हजार ७९२ डलर आसपास कारोबार भइरहेको छ ।

प्रकाशित समय : १७:२६ बजे