प्रधानमन्त्री केपी शर्मा ओलीले देखिने गरी चुनावको तयारी नभएको भन्दै आलोचना गरेको तीन दिनपछि निर्वाचन आयोगले आवश्यक सामग्री खरिदको प्रक्रिया अघि बढाएको छ । मतदानमा आवश्यक स्वस्तिक छाप, मतपेटिका स्टिकर, नमेटिने मार्कर लगायतका एक दर्जन बढी सामग्रीहरु खरिद प्रक्रिया अघि बढाएको आयोगका प्रवक्ता राजकुमार श्रेष्ठले जानकारी दिए ।

उनका अनुसार आयोगले २८ प्रकारका निर्वाचन सामग्री खरिदका लागि करिब २५ करोड रूपैयाँको बोलपत्र आह्वानको सूचना मंगलबार प्रकाशित गरेको हो । सरकारले गत पुस ५ गते प्रतिनिधिसभा विघटन गरी आगामी वैशाख १७ र २७ गते दुई चरणमा प्रतिनिधिसभा निर्वाचन गर्ने निर्णय गरेको छ । यद्यपि यो निर्णयविरुद्ध सर्वोच्च अदालतमा परेको रिटमा फैसला आउन भने बाँकी छ ।

प्रकाशित समय : १६:५६ बजे