नेपाल बंगलादेश बैंकका ग्राहकले त्रिपुरेश्वरको ब्लु क्रस अस्पतालमा उपचार गराउँदा १० प्रतिशत छुट पाउने भएका छन् । बैंक र अस्पतालबीच बैंकका ग्राहकलाई अस्पतालद्वारा प्रदान गरिने विभिन्न सेवाहरुमा छुट दिनेसम्बन्धी सम्झौतापत्रमा बुधबार हस्ताक्षर भएको हो ।

सम्झौताअनुसार बैंकका डेबिट/क्रेडिट कार्ड प्रयोग गर्ने ग्राहक र बैंकका खातावालाले ब्लु क्रस अस्पतालका विभिन्न मेडिकल स्क्रिनिङमा छुट पाउनेछन् । सम्झौतापत्रमा बैंकका प्रमुख व्यवसाय अधिकृत सलोनिका सिंह र अस्पताल व्यवस्थापन समितिका सदस्य रजत श्रेष्ठले हस्ताक्षर गरेका छन् ।

प्रकाशित समय : १९:३३ बजे