आईएमई लाइफ इन्स्योरेन्स कम्पनीको प्रमुख कार्यकारी अधिकृतमा श्रीचन्द्र भट्ट नियुक्त भएका छन् ।

सीईओ भट्टले नेपाल इन्भेस्टमेन्ट बैंकबाट सन् १९९८ मा बैंकिङ करियर सुरु गरेका हुन् । सन् २०११ सम्म आइपुग्दा उनी बैंकको सहायक महाप्रबन्धक बन्न सफल भए । त्यसपछि भट्टले मेघा बैंकमा करिब ६ महिना नायब प्रमुख कार्यकारी अधिकृत पदमा रही काम गरे । यसअघि भट्ट विभिन्न बैंक तथा वित्तीय संस्थालगायत इन्स्योरेन्स कम्पनीहरुमा आबद्ध थिए । भट्टसँग रेमिट टु नेपालको प्रमुख कार्यकारी अधिकृत पदमा रही काम गरेको अनुभवसमेत छ ।

कम्पनीको सञ्चालक समितिसमक्ष प्रमुख कार्यकारी अधिकृत पदको सपथ गह्रण गर्दै भट्टले आफूसँग रहेको अनुभवको प्रचुर उपयोग गरी कम्पनीलाई जीवन बिमा कम्पनीमध्येकै उत्कृष्ट बनाउन प्रयास गर्ने बताए । उनले कम्पनीलाई हालको स्थितिसम्म पु¥याउन सहयोग गर्ने नियमनकारी निकाय बिमा समिति, कम्पनी रजिस्ट्रारको कार्यालय तथा कम्पनी सञ्चालक समिति, संस्थापक सेयरधनी, शुभचिन्तकलगायत कम्पनीका कर्मचारीलाई धन्यवाद दिए ।