सिरहाबाट अपहरणमा परेका भनिएका चिकित्सक अपहरणमा नपरेको खुलासा भएको छ । हेटौंडा अस्पतालमा कार्यरत चिकित्सक सुवास बनैता यादव मंगलबार अपहरणमा परेको भन्दै उनकी श्रीमतीले प्रहरीलाई खबर खरेकी थिइन् ।

प्रहरीले यादवलाई सर्लाहीको नवलपुरमा फेला फारेपपछ उनले अपहरणको नाटक गरेको खुलासा भएको हो । मंगलबार राति नै प्रहरीले यादवलाई म २ प ८२८६ नम्बरको मोटरसाइकलसहित फेला पारेको हो ।

श्रीमतीसँगको घर झगडाका कारण अपहरणमा परेका नाटक गरेको हुन सक्ने भन्दै प्रहरीले छानबिन सुरु गरेको छ । अपहरण गरिएको आरोपमा प्रहरीले प्रेम बमलाई प्रहरीले पक्राउ समेत गरेको थियो । घटनाका विषयमा थप अनुसन्धान भइरहेको सिरहाका एसपी जीवन श्रेष्ठले बताए ।

प्रकाशित समय : १७:०९ बजे