चीन सरकारको करिब सवा अर्ब सहयोगमा निजामती अस्पतालमा सर्जिकल भवन निर्माण हुने भएको छ । चीन सरकारको सहयोगमा निर्माण भएको निजामती अस्पताललाई स्तरोन्नति गर्न र सुविधासम्पन्न बनाउन चीनले भवन निर्माणमा सहयोग गरेको हो ।

बुधबार आयोजित शिलान्यास कार्यक्रममा संघीय मामिला तथा सामान्य प्रशासनमन्त्री लालबाबु पण्डितले चीनको सहयोगले अस्पताललाई उल्लेख्य योगदान पुग्ने बताए । नेपालका लागि चिनियाँ राजदूत यू होङले स्थापनाकालदेखि नै निजामती अस्पताललाई सहयोग गरेको भन्दै यस्ता सहयोगले चीन र नेपालबीचको मैत्रीपूर्ण सम्बन्धलाई अझ मजबुत बनाउन सहयोग पुग्ने बताइन् ।

चार हजार ९ सय वर्गमिटरमा बन्ने नयाँ सर्जिकल भवनमा ११५ देखि ११७ शय्यासहित अत्याधुनिक उपकरण रहनेछन् । नयाँ भवन डेढ वर्षभित्र निर्माण गरिसक्ने योजना छ । निजामती अस्पतालमा दैनिक १ हजार बिरामी उपचारका लागि जाने गरेका छन् ।

प्रकाशित समय : ००:३६ बजे