संविधान दिवसको अवसरमा राष्ट्रिय खेलकुद परिषद्ले आयोजना गरेको हाफ म्याराथनको उपाधि सशस्त्र प्रहरी बलका गोपीचन्द्र पार्कीले जितेका छन् ।
सेनाका होमलाल श्रेष्ठ दोस्रो, हरिकुमार रिमाल तेस्रो भएका छन् । पुरुषतर्फ मात्र प्रतिस्पर्धा गराइएको उक्त प्रतियोगिताको विजेता पार्कीले ५० हजार रुपैयाँ हात पारे । दोस्रो भएका श्रेष्ठले ३० हजार र तेस्रो हुने रिमालले २० हजार रुपैयाँ पाएका छन् ।

म्याराथनमा तीन विभागीय टोली नेपाली सेना, नेपाल प्रहरी र एपीएफ क्लबका साथै अन्य दुई सय ५० खेलाडीको सहभागिता थियो । विजेतालाई युवा तथा खेलकूद मन्त्रालयका सचिव मोहनकृष्ण सापकोटा र राखेप सदस्यसचिव केशवकुमार विष्टले पुरस्कार प्रदान गरे ।

संविधान दिवसकै अवसरमा आज नेपाल रातो र नेपाल नीलो टिमबीच टी–२० मैत्रीपूर्ण क्रिकेट प्रतियोगिता हुँदैछ । प्रतियोगिता कीर्तिपुरस्थित त्रिभ्वन विश्वविद्यालय क्रिकेट मैदानमा हुने राखेपले जनाएको छ ।

प्रकाशित समय : २१:४५ बजे