सरकारी अनुगमन टोलीले ललितपुरमा रहेको चार वटा पशुवधशालामा शिलबन्दी गरेको छ । मामदण्ड विपरित पशुवधशालाबाट मासु बिक्री बितरण गरेको पाइएपछि अनुगमन टोलीले शिलबन्दी गरेको हो ।

कृषि राज्यमन्त्री रामकुमारी चौधरीको नेतृत्वमा गएको अनुगमन टोलीले शुक्रबार बिहान आरके मिट सप, ए वान मिट सप तथा देव खड्गी र सुनिल शाहीले सञ्चालन गरेका वधशालामा शिलबन्दी गरेको हो ।

शिलबन्दी गरेको वधशालामा कुहिएका मासु बिक्री गरेको भेटिएको पशु सेवा विभागका महानिर्देशक विमल कुमार निर्मलले जानकारी दिए । पशुवधशालाबाट अस्वस्थ मासु बिक्री भइरहेको गुनासो आएपछि सरकारी टोली अनुगमनमा निस्किएको हो ।

प्रकाशित समय : १६:५६ बजे